ఫీజు రీయింబర్స్‌మెంట్‌పై ప్రభుత్వాన్ని నిలదీశాం: రేవంత్

హైదరాబాద్: విద్యార్థుల ఫీజు రీయింబర్స్‌మెంట్‌పై అసెంబ్లీలో తెలంగాణ ప్రభుత్వాన్ని నిలదీశామని టీటీడీపీ నేత రేవంత్ రెడ్డి పేర్కొన్నారు. గురువారం ఆయన మీడియాతో మాట్లాడుతూ రూ. 4 వేల కోట్లకు పైగా ఫీజు బకాయిలు ఉంటే.. రూ.1500 కోట్లే విడుదల చేస్తామని సీఎం కేసీఆర్‌ చెప్పారని అన్నారు. మంత్రులు తోలు బొమ్మల్లా మారారని ఆయన విమర్శించారు. భూసేకరణ చట్టం, మైనారిటీల అంశాలపై మహమూద్‌అలీని మాట్లాడనివ్వకుండా అవమానించారని రేవంత్‌ విమర్శించారు.